Pèça de moneda
Una pèça de moneda es un tròç de materiau solid qu'es utilizat coma moneda. A generalament una forma de disc e es fach de metau ò de metalloïd. Segon la tradicion, lei premierei pèças foguèron batudas durant lo rèine dau sobeiran lidian Cresus (561-546 avC). Pasmens, lei descubèrtas arqueologicas mòstran puslèu una aparicion pus larga dins lei regions nòrd-èst de la Mar Mediterranèa au sègle VII avC. Lei pèças de moneda aguèron un ròtle major dins l'economia fins a la generalizacion dau bilhet de banca. Pasmens, demòran totjorn utilizadas dins la societat modèrna per de transaccions de valor febla.
L'estudi dei pèças de moneda es dicha numismatica e fa partida dei sciéncias auxiliaras de l'istòria.