Lidia

Un article de Wikipèdia, l'enciclopèdia liura.
Sauter à la navigation Sauter à la recherche
Pèça d'aur batuda durant lo rèine de Cresus.

Lidia es un reiaume antic d'Anatolia Occidentala que sa capitala èra Sardes.

Eissit de l'afondrament de la poissança itita au sègle XII av. JC, lo reiaume de Lidia èra probablament l'eiretier dau reiaume d'Arzawa disparegut vèrs la fin dau sègle XIV av. JC après una guèrra perduda còntra lo rèi Mursili II (1321-1295 av. JC). Au sègle VII av. JC, l'esplecha dei ressoursas minieras de la region (aur, argent...), sa posicion lòng dei rotas comercialas entre Grècia e Orient Mejan e de victòrias còntra lei Cimmeris li permetèron de venir una poissança importanta durant lo rèine de Gygès. En particular, lo país aguèt lei quantitats de metaus preciós sufisentas per inventar lei premierei pèças de moneda en 687 av. JC.

Au sègle seguent, pendent lo rèine d'Alyatte II (vèrs 619 ò 609 - 560 av. JC), lei Lidians capitèron de resistir a l'expansion dei Medes a la batalha de l'Eclipsi (585 av. JC) e d'arrestar definitivament leis invasions vengudas de l'estèpa. Pasmens, son successor Cresus (560-546 av. JC), desirós d'aprofichar lei trèbols intèrnes de Pèrsia per s'estendre vèrs l'èst, ataquèt Cir II. Batut en 546 av. JC, foguèt capturat e son reiaume annexat a l'Empèri Aquemenida.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]