Provença e Còsta d’Azur

La region Provença e Còsta d’Azur (en francés Provence-Côte-d'Azur) es una circonscripcion d’accion regionala francesa creada lo 12 genièr de 1970 (decret n°70-18). Es la resulta de l’escission en doas de la circonscripcion de Provença Còsta d’Azur e Corsega.

Ten lei departaments seguents: Auts Aups, Basseis Aups (puèi Aups d'Auta Provença lo 13 d'abril de 1970), Aups Maritims, Bocas de Ròse, Var e Vauclusa. Son còde INSEE es 93.

En 1972 (lei n°72-619 dau 5 de julhet), ven un establiment public regionau. Lo nom es cambiat en Provença-Aups-Còsta d'Azur pel decret n°76-722 del 2 d'agost de 1976.