Programa Vostok
Lo Programa Vostok es un programa espaciau abitat sovietic iniciat en 1960 e acabat en 1963. Dins lo contèxte de la corsa a l'espaci qu'opausava leis Estats Units e de l'Union Sovietica, èra la seguida de la mission Spotnik 1. Son objectiu èra de mandar d'èssers vivents en orbita terrèstra. Divèrseis assais aguèron luòc en 1960-1961 amb d'animaus. Puei, lo 12 d'abriu de 1961, la mission Vostok 1 permetèt a Iurii Gagarin de venir lo premier òme dins l'espaci. Après aqueu succès, cinc autrei vòls foguèron organizats avans la fin dau programa. Lei programas Voskhod e Soiuz o remplacèron dins lo corrent deis ans 1960.