Prebostat
- Jol Regim Ancian, lo prebostat èra lo primièr gra de la justícia reiala.
Apareguts al sègle XI, los prebostats portavan divèrses noms segon la region: vescomtats en Normandia, vegariás en Provença, judicaturas o bailiás dins lo Miègjorn. Lo personal dels prebostats, a l'origina fòrça reduch, se desvolopèt a la fin de l'Edat Mejana per comprene de conselhièrs, de luòctenets e de procuradors reials. Lo prebostat coneissiá normalament tots los cas civils e criminals de son ressòrt, exceptat los cas reials (lèsa majestat, monedatge fals, eretgia, desòrdre public...) qu'apertenián als bailiatges, e los cas que concernissián a de nòbles e privilegiats, e recebiá l'apèl de las jurisdiccions senhoralas. Se fasiá apèl al bailiatge o a la senescalciá. Véser tanben prebòst reial.