Ponç Pilat

Un article de Wikipèdia, l'enciclopèdia liura.
Anar a : navigacion, Recercar
Ecce Homo, òbra d'Antonio Ciseri, que representa Ponç Pilat en mostrant Jèsus al pòble après que foguèt flagelat.

Ponç Pilat (En latin Pontius Pilatus) èra un governaire (prefècte) de la província romana de Judèa entre los ans 26 e 36 de la nòstra èra, successor de Valeri Grat. Es conegut per èsser l'òme, que, segon los Evangèlis, condemnèt Jèsus a morir per la crotz jos la demanda dels grands sacerdòts del temple, après que se ne lavèt las mans. Fòrça detalhs de sa vida nos son desconeguts e foguèron completats per fòrça legendas. La Glèisa Ortodoxa Etiopiana lo venèra coma sant, doncas que crei que se convertiguèt al cristianisme

Dins sa carrièra coma governaire de Judèa ensagèt de romanizar la província çò que provoquèt d'afrontaments amb los dirigents josieus. Un exemple d'aquela politica es l'introduccion dins la vila de Jerusalèm d'imatges pel culte de Cesar o l'enssag de bastir un aqüeducte amb los tresaurs del temple. A causa de sa supausada tiraniá, se produguèt una revòlta a Jerusalèm e s'espandiguèt en Samaria la repression que causèt fòrça mòrts. Los samaritans se planguèron al governaire de Siria, Luci Vitelli, que lo capvirèt (36) e l'envièt a Roma per respondre fàcia l'emperaire.

Arribèt a Roma pauc après la mòrt de TibèriT lo 15 de març de 37. Eusebi dich que se suïcidèt al començament del regne de Calígula, lo successor de Tibèri, benlèu tanben en 37.

De supausadas letras e d'Actes de Pilat son de documents fals fabregats pels primièrs crestians unes sègles mai tard.

Vejatz tanben[modificar | modificar la font]

  • Claudia Procula, supausat nom de l'esposa de Pilat, mencionada (sens la nomenar) sin l'Evangèli de Matieu