Plan de Lanamesa

Ua part der'idrografia deth Plan de Lanamesa

Eth Plan de Lanamesa (o localament Platèu de Lanamesa), en Gasconha, que's situa ath pè deths Pirenèus en nòrd-èst deth departament deths Hauts Pirenèus en limit dera Nauta Garona. Qu'a ua altitud mejana de 510 m. Era sua populacion qu'ei de cap a 10 000 estatjants.

Que pòrta eth nom de Lanamesa (o Era Lanamesa, o Lanamedan ) per'mor era vila omonima que's situa quasi ath son center. Qu'ei era hònt deths arrius de Gers, de Sava, de Gimona, de Baïsa, d'Arrats, de Loja, de Toish, tots afluents de Garona, e de Boés (?) afluent deth bacin d'Ador.

Popularament, eths abitants deth parçan que l'apèran simplament eth Platèu per auposicion ara Valea, de qui designa era vath d'Aura, e aths Costalats mes entà capvath de cap ath Manhoac.

Geologia

Compausat de dus tèrçs de tèrras incultas e esterilas, de bòsques, de talhadas, entercopats de paluns e de landas.

Eth terren qu'ei d'origina calcària dab un jaç de tèrra arabla de qui non despassa pas 20 cm. Ena lana ath arras dera Barta que s'espleita era torba.