Plaça Lavalle

Un article de Wikipèdia, l'enciclopèdia liura.
Salta a la navegació Salta a la cerca
Plaça Lavalle dab la colomna
Palais Miró, anciana residéncia de la familha Dorrego

La Plaça Lavalle qu'ei un espaci vert qui capèra 3 brolhs d'ostaus dens lo quatièr de San Nicolás a Buenos Aires.

Nom[modificar | modificar la font]

Que deu polemicament lo son nom a la colomna en aunor au generau Juan Lavalle ; Lavalle qu'ei ua figura controversada per aver hèit fesilhar lo generau Manuel Dorrego a la debuta de la longa guerra civila argentina enter Unitari e Federaus. Lo palais de la familha Dorrego que costejava la plaça qui los portava atau ofensa. Aqueth palais que ho abandonat e avalit en 1937 en bèth har créisher un chic mei la plaça.

Emplaçament, monuments e entorns[modificar | modificar la font]

Façada deu Teatro Colón vista desempuish la Plaça Lavalle
Canton de la carreras Talcahuano e Tucumán, dab ua mescla d'edicis ancians e modèrnes pro emblematics de la plaça

La Plaça Lavalle qu'ei bordada per un cèrte nombre de bastiments importants o notables per'mor de la loa foncion o la loa estetica :

Lo monument mei famós de la plaça qu'ei de segur la colomna en aunor de generau Lavalle ; la plaça qu'acesa tanben lo monument en omatge a las victimas de l'atemptat de l'AMIA (la mutuau israelita).

Près de la plaça se troba l'Obelisc apitat en lòc de la glèisa de San Nicolás de Bari (qui da lo nom au quartièr) e on lo drapèu argentin e ho hissat per purmèra vegada.

L'Avienguda Diagonau Nòrt que s'acaba sus Lavalle, arreligant atau l'Ostau Arroset (sus la Plaça de Mayo) e los Tribunaus ; simbolicament, que junta atau los poders executiu e judiciari.

Istòria[modificar | modificar la font]

Estación del Parque
Monument a las victimas de l'atentat de l'AMIA

A l'origina qu'èra ua plaça shens nada construccion, traucada per un deus arriulets de la ciutat (lo Tercero) dab un pont conegut com lo Puente de los Suspiros. En 1822 un parc d'artilheria e ua fabrica d'armas que s'i installèn dens çò qui alavetz èra la plaza del Parque.

En 1856 (a l'emplaçament de l'actuau Teatro Colón) que's bastí l'Estación del Parque entau Camin de Hèr de l'Oest de Buenos Aires.

En 1867 s'intallè lo purmèr manètge de la ciutat (mudat alavetz dab chivaus).

En 1890 la Revolucion deu 90 qu'i petè quan la horrera impulsada per l'Unión Cívica Radical e gavidada per Leandro Alem e ensagè de préner lo parc d'artilheria. La hèita que hè 300 morts e la rendicion deu pòble que ho signada dehens lo Palais Miró.