Peitavin (dialècte)

Un article de Wikipèdia, l'enciclopèdia liura.
Salta a la navegació Salta a la cerca


Lu Peitavin (en rosseu) dins l'espaci peitavin-santongés

Lu peitavin (pouétevin o poetevin localament) es un daus dos dialèctes dau peitavin-santongés, linga d'oïl de la familha de las lingas romanicas. Eu es parlat dins las ancianas províncias dau Peitau e la partida nòrd de l'Aunis, aüei sur la Vendèa, las Doas Sèvras (fòra dau Nòrd Thouarsais), la Viena (fòra quauquas comunas occitanas au sud e lu Nòrd-Loudunais), lu sud de la Léger Atlantic (país de Retz), lu sud dau Maine e Léger (las Mauges) e dins lu nòrd-oèst de la Charanta ('na partida dau Rufequés, e la "bordura oïl" dau Confolentés : Le Bouchage e Pleuville en partida), l'extreme nòrd de la Charanta Maritima (isla de Ré, nòrd de l'Aunis, regions de Loulay e d'Aulnay), e maitot dins quauquas comunas de l'extreme sud-oèst de l'Indre (vers Le Blanc, Bélâbre, Argenton-sur-Creuse).

Dempuei 1831 lu peitavin es associat au santongés dins lu grope peitavin-santongés, associacion confirmada per las publicacions d'universitarias de las universitats de Liverpool, Angers, Peitieus, Lion, Nantas, Clarmont-Ferrand, e Caen, o de l'Institut nationau de la linga francesa de Nancy.