Pasqual Maragall
Pasqual Maragall i Mira (Barcelona, 13 de genièr de 1941), es un politician del Partit dels Socialistes de Catalunya que foguèt president de la Generalitat de Catalonha del mes de decembre de 2003 fins a novembre de 2006. Foguèt gràcias a una coalicion tripartita (sonada sovent el Tripartit) compausada del PSC, d'Esquerra Republicana de Catalunya e de Iniciativa-Verds que poguèt venir lo cap de govèrn del país. Anteriorament, èra estat lo cònsol de Barcelona de 1982 a 1997. Foguèt pendent son mandat que se debanèron los Jocs Olimpics de Barcelona 1992. Es lo felen del poèta catalanista Joan Maragall. Son fraire Ernest Maragall es tanben politician socialista e foguèt conselhièr d'Educacion a la Generalitat.
A la fin de son mandat se presentèt pas per las eleccions novèlas e laissèt la plaça de candidat a la presidéncia de la Generalitat de Catalonha en 2006 a José Montilla.
Lo 20 d'octobre de 2007 anoncièt publicament que patissiá de la malautiá d'Alzheimer
| Precedit per | Pasqual Maragall | Seguit per | |||
| Jordi Pujol |
|
José Montilla Aguilera |
- Modèl infobox
- Personalitat politica catalana
- Personalitat politica espanhòla de l'epòca democratica
- Personalitat del Partit Socialista Obrièr Espanhòl
- Cònsol espanhòl
- President d'una comunautat autonòma espanhòla
- Personalitat politica espanhòla
- Naissença a Barcelona
- Naissença en 1941
- President de la Generalitat de Catalonha