Pantera (grop)

Pantera èra un grop de ròck anglofòn del genre metal, originari dels Estats Units, mai precisament d'Arlington al Tèxas. Es inicialament fondat en 1981 pels fraires Abbott : lo guitarrista « Dimebag » Darrell Lance e lo bataire Vinnie Paul. An per bassista al començament (1981-1982) Tommy Bradford, remplaçat après per Rex « Rocker » Robert Brown (a la guitarra-bassa). A partir de 1986, Pantera a per cantaire Philip « Phil » Anselmo (en remplaçament de Donnie Hart e de Terry Glaze, los dos primèrs cantaires del grop)

Grop heavy metal quitament glam metal a l'origina, Pantera se radicaliza a partir de 1990 cap al thrash metal.

Pantera es considerat coma l'un dels melhors grops de metal de las annadas 1990, de tot biais l'un dels mai emblematics d'aquel genre musical per aquesta decenia.

Pantera se separa en 2003. L'annada d'après, l'ancian guitarrista del grop, « Dimebag » Darrell Lance Abbott, es assassinat sus scèna pendent un concèrt amb son novèl grop, Damageplan.