Palais de Westminster
 | |
|---|---|
| (en) Palace of Westminster, Houses of Parliament | |
.jpg) |
|
| Donadas | |
| Tipe | Palais |
| Estil | neogotic |
| Construccion | 1342 (obertura) |
| Arquitècte(s) | Charles Barry Augustus Welby Northmore Pugin |
| Patrimonialitat | Monument classat Grade I |
| Localizacion | |
| Estat | .svg){kind=small} Reialme Unit
|
| Coordenadas | 51° 29′ 58″ N, 0° 07′ 27″ O |
| Activitat | |
| Ocupant | Parlament del Reialme Unit |
| Sit web | parliament.uk |
 
| |
Lo palais de Westminster (en anglés: Palace of Westminster; en galés: Palas San Steffan), tanben sonat Cambras del Parlament (anglés: Houses of Parliament), es a Londres lo luòc que i sèson la Cambra de las comunas (House of Commons) e la Cambra dels Lòrds (House of Lords) del Reialme Unit. Lo palais es en riba nòrd de Tamèsi e se situa dins l’arrondiment londinenc de la Ciutat de Westminster.
L’edifici servissiá a l’origina de residéncia reiala, mas cap monarca anglés o britanic i pas pus viscut dempuèi lo sègle xvi. La pus vièlha seccion del palais, Westminster Hall, data de l’an 1097. Pasmens, la pus granda part del bastiment data del sègle xix : l’ancian Palais de Westminster, d'efièch, foguèt gaireben completament destruit par un incendi lo 16 d'octobre de 1834. L’arquitècte responsable de la reconstruccion, Sir Charles Barry, faguèt lo bastiment nòu dins lo pus pur estil neogotic, en referéncia a l’epòca dels Tudor. Una de las atraccions pus famosas del palais de Westminster es sa Torre del Relòtge (Clock Tower), qu'alberga Big Ben.
