Pagur comun
Lo pagur comun (Pagurus bernhardus), sovent dich bernat l'ermita ò buòu arput, es una espècia de crustacèu decapòde que fa partida de la familha dei Paguridae.
Es un pichon crustacèu que se tròba dins leis aigas europèas de la Mar Baltica fins a la Mar Mediterranèa. Es capable de s'adaptar a d'environaments variats, fachs de ròca ò d'arena, que van de la zòna litorala e de prefondors de plusors centenaus de mètres. Viu dins de cauquilhas vuejas que li permèton de protegir son còrs mòu dei predators. Se norrís d'autrei crustacèus, de vèrmes e de molluscs.
Sei predators naturaus son d'autrei crustacèus, certanei peis, quauqueis aucèus e mamifèrs marins e, de còps, l'èsser uman.