Ornithocheirus

Tot e qu'Ornithocheirus siguec ja classat per Harry Goovier Seeley es scientifics encara discuteishen sus eth sòn classament.

Ornithocheirus (audèth damb man) siguec descrit pes fossils trapats en diuersi lòcs deth cretacèu anglés. Tot e que i auia ua esqueleta sancera e sonque troçi de maissa, uassi e vertèbres 36 espècies sigueren classades. Plan d'eres èren des plaques de sable verda de Cambridge, un depaus marin deth cretacèu inferior. Coma qu'es uassi de pterosaure èren plans se pensa qu'auien sigut limpiats des des estrats mès ancians dera mar e tornats a depausar en un aute lòc.

Aguesti pterosaures donques serien mès ancians e probaubaments deth cretacèu inferior. En 1869 Harry Govier Seeley auec era comission de classar aguesta amassada de uassi de pterosaure per Universitat de Cambridge. Quasi toti es individús èren des sables de Cambridge, beri uns 1000 uassi toti trincats.

Pr'amor d'açò era controvèrsia contunha. Quins aperténhen a aguest genre e ara familha des Ornithoceiridae e quini non. Totun èren uassi de pterosaure plan longui damb eth cran tanben long e damb ua cresta en naut d'aguest. Toti auien dents poderoses.

Era definicion deth genre ère pas clara e aguest genre ère coma un genre on classar toti es fossils pas classats d' Anglatèrra, França, Occitània, Alemanha, Boèmia, Àustria, Africa, Austràlia e America deth Sud.

En 1914 R.W.Hooley sajèc de classar es fossils d'Ornithocheirus anglesi. Creèc cinc gropi disparièrs damb es sòns noms. Era caracteristica mès importanta ère era maissa. Es pterosaures deth cretacèu anglés son conegudi sonque per troçi d'uassi e tanben an sigut classats coma Ornithocheirus.

Hònt: The Illustrated Directory of Dinosaurs and Other Prehistoric Creatures, Greeenwich Editions, 2005