Organizacion de l'Aviacion Civila Internacionala

Bandièra de l'OACI.

L’Organisation de l'Aviacion Civila Internacionala (OACI ; en anglés : International Civil Aviation Organization, ICAO) es una organizacion internacionala que depend de l'Organizacion de las Nacions Unidas. Son ròtle es de participar a l'elaboracion de las politicas e de las nòrmas que permeton l'estandardizacion del transpòrt aeronautic internacional. Son sètge es situat a Montreal.

Lo conselh de l’OACI adòpta las nòrmas e recomandacions reglamentant la navigacion (en anglés : Standards and Recommended Practices, SARP), lo partatge de las frequéncias ràdio, los brevets del personal d'aviacion, la circulacion aeriana, etc. Definís tanben los protocòls a seguir al moment de las enquèstas suls accidents aerians, protocòls que son respectats pels païses signataris de la Convencion de Chicago.

Aquesta reglementacion producha per l'OACI a permés dempuèi la fin de la Segonda Guèrra Mondiala la mesa en òbra del transpòrt aerian, tan de personas que de bens, al nivèl mondial, gràcias a de recomandacions seguidas per l'ensemble dels Estats membres, d'equipamentièrs de l'aeronautica e fabricants d'avions, d'establiments responsables d’aeropòrts, etc.

Cal pas confondre l'OACI amb l'IATA, una associacion privada de companhiás aerianas e dont lo sètge social es tanben situat a Montreal.

Còdi OACI

Lo còdi OACI (o ICAO code en anglés) es un còdi attribué par l'OACI a un aerodròm, una region aeriena, una companhiá aeriana, un tipe d'aeronau o una matriculacion d'aeronau.

Los còdis OACI devon pas èsser confonduts amb los còdis AITA. Çaquelà, pels sols Estats Units continentals, los còdis OACI dels aerodròms son los meteis que los còdis AITA precedits d'un « K » (lo « K » es lo prefixe d'aqueste territòri). Totes los aerodròms an pas de còdi AITA ; sols los aeropòrts avent de trafic comercial en son provesits.

De còdis de quatre letras son tanben atribuïts a de regions d'informacion de vòl, los FIR (Flight information region).

L’OACI e l’AITA an caduna lor sistèma de codificacion dels aeropòrts e companhiás aerianas :

• La codificacion dels aeropòrts de l’OACI utiliza quatre letras seguissent una classificacion geografica :
  • lo primièr caractèr indica una region continentala ;
  • lo segond caractèr indica lo país o una region del país ;
  • los dos caractèrs seguissents son atribuïts païses per païses.
• La codificacion dels aeropòrts de l’AITA utiliza tres letras mnemonics, principalament utilizat per las companhiás aerianas per la nomenclatura comerciala e l’informacion suls vòls, la reservacion de bilhets o l'etiquetatge e le rotatge dels bagatges e del fret. Per exemple :
  • CDG per l'aeropòrt de París – Charles de Gaulle ;
  • ORY per l'aeropòrt de París – Orly.

Codificacion dels aeropòrts

Article detalhat: Còdi OACI dels aeropòrts.

Es un còdi de quatre letras atribuït a cada aerodròm dins lo mond. Es utilizat pel contraròtle de la circulacion aeriana o pels centres operacionals de las companhiás aerianas, de mai que dins la redaccion dels plans de vòl o dels libres de bòrd dels personals navigants tecnics (PNT). Aquestes còdis se tròban dins la doc 7910 de l'OACI.

Lo còdi OACI de cada aerodròm es atribuït segon un prefixe dependent de sa localizacion geografica. Generalament, la primièra letra designa una region del mond, la segonda lo país e los doas darrièras l'aerodròm. Dins los mai grands païses, sola la primièra letra designa lo país, las tres darrièras l'aerodròm.

Codificacion de las companhiás aerianas

Article detalhat: Lista dels còdis OACI de las companhiás aerienas.

Es un còdi de tres letras atribuït a cada companhiá comerciala de transpòrt aerian. A la diferéncia dels còdis AITA, aqueste còdi OACI es unic. Cada operator aerian se vei parallèlament atribuir un identificant per la comunicacion ràdio.

Codificacion de las aeronaus

Articles detalhats: Lista de las codificacions dels tipes d'aeronaus e Lista dels prefixes OACI de matriculacion de las aeronaus.

L'OACI es tanben responsable de sistèmas de codificacion concernissent las aeronaus

• Codificacion dels modèls d'aeronaus, sustot utilizada dins les plans de vòl, quala que siá la talha de l'aparelh ; per exemple :
  • Un Antonov An-124 es codificat A124 ;
  • Un Airbus A320neo es codificat A20N ;
  • Un Airbus A330-900 es codificat A339 ;
  • Un Airbus A350-1000 es codificat A35K ;
  • Un Boeing 747-400 es codificat B744 ;
  • Un Boeing 747-8 es codificat B748 ;
  • Un Cessna 172 es codificat C172.
• Codificacion de las matriculacions de las aeronaus : cada país disposa d'un prefixe alphanumérique per lo qual començan sistematicament las matriculacions de las aeronaus. Aquesta matriculacion es tanben utilizada en aviacion generala coma indicatiu d'apèl al moment de las comunicacions amb lo contraròtle aerian, l'aviacion comerciala utilizant, ela, lo còdi OACI de las companhiás aerianas seguit del numèro de vòl :
  • Una aeronau matriculada en França comença per « F » (exemple : F-ABCD).
  • Una aeronau matriculada als Estats Units comença per « N » (exemple : N12345)

Veire tanben

Sus d'autres projècte de Wikimedia:
Commons	Commons (Galariá)
Commons	Commons (Categoria) Modèl:Commonscat/categories

Articles ligats

• Còdi OACI dels aeropòrts
• Lista dels còdis OACI de las companhiás aerienas
• Lista dels prefixes OACI de matriculacion de las aeronaus
• Associacion Internacionala del Transpòrt Aerian

Ligams extèrnes

• (en) Site oficial