Operacion U-Go
L'Operacion U-Go (ò Operacion C) foguèt una ofensiva japonesa que se debanèt dins lo corrent de la Segonda Guèrra Mondiala dau 6 de març au 3 de julhet de 1944. Dirigida còntra lei fòrças britanicas dau nòrd de Birmania, son objectiu èra d'agantar la vau de Bramapotra e d'intrar sus lo territòri de l'Índia Britanica onte lei Japonés esperavan organizar una insureccion generala còntra la dominacion coloniala britanica. Pasmens, leis asalhidors se turtèron a una resisténcia fòrta de part dei fòrças britanicas gardant lei vilas d'Imphal (8 de març - 8 de julhet) e de Kohima (4 d'abriu - 22 de junh) e deguèron se retirar en causa de la manca de viures e de municions. La retirada se transformèt en catastròfa per l'armada japonesa que perdiguèt 60 000 òmes còntra 21 500 per lei Britanics e permetèt ais Aliats de prendre l'avantatge sus lo frònt birman.