Olaf Scholz

Olaf Scholz
Olaf Scholz en 2021.
Foncions
Cancelièr federal d'Alemanha
En foncion dempuèi lo 8 de decembre de 2021
President federal	Frank-Walter Steinmeier
Legislatura	20ena legislatura del Bundestag
Predecessor	Angela Merkel
Vice cancelièr d'Alemanha Ministre federal de las Finanças
Biografia
Profession	Avocat

Olaf Scholz , nascut lo 14 de junh de 1958 a Osnabrück, es un òme d'Estat alemand, membre del Partit social democrata d'Alemanha (SPD). Es cancelièr federal dempuèi lo 8 de decembre de 2021.

Avocat format a Amborg, foguèt vice president federal de las Joinessas del SPD dins las annadas 1980. A las eleccions federalas de 1998, foguèt elegit pel primièr còp al Bundestag.

En 2001, renoncièt al mandat de deputat federal per venir senator al dintre del governament d'Amborg, mas retrobèt lo mandat de deputat tre las eleccions de 2002. A la seguida d'aqueste escrutin, Gerhard Schröder ne faguèt son secretari general a l'SPD, una foncion qu'ocupèt pendent dos ans.

Venguèt secretari general del grop SPD al Bundestag après las eleccions federalas de 2005, puèi ministre federal del Trabalh en 2007. A l'escrutin parlamentari de 2009 foguèt remandat dins l'oposicion, e elegit vice-president del grop parlementari, puèi del partit.

Cap de fiala social democrata a las eleccions de 2011 a Amborg, remportèt una solida majoritat absoluda al Bürgerschaft. Foguè reconduch coma primier borgmèstre en 2015, après aver format una coalicion roja-verda. En 2018, renoncièt a dirigir l'exécutiu amborgés per fin de venir vicecancelièr e ministre federal de las Finanças de la granda coalicion d'Angela Merkel.

Se manquèt en 2019 a èstre elegit viceprésident federal del SPD, le binòmi que formava amb Klara Geywitz essent batut al segond torn pel duo constituït de Norbert Walter-Borjans e Saskia Esken. L’an seguent, la direccion del parti l'investiguèt a l'unanimitat candidat a la cancelariá dins la perspectiva de las eleccions federales de 2021, a l'eissida de lasqualas lo SPD arrivèt en tèsta. Olaf Scholz formèt puèi una coalicion amb Los Verds e lo Partit liberal democrata.