Ofensivas chinesas de 1945
Leis ofensivas chinesas de 1945 son una tiera d'atacas que se debanèron dins lo corrent de la Segonda Guèrra Mondiala de març a aost de 1945. Acomencèron amb una ofensiva japonesa còntra la província de Henan (21 de març - 7 de junh) que se turtèt a de còntra-ofensivas acarnadas dei tropas chinesas renfòrçadas per un còrs aerian estatsunidenc. Aquò entraïnèt la revirada de l'ataca de l'armada imperiala que comencèt de faciar de dificultats logisticas grèvas dins certanei sectors. Tre lo mes d'abriu, d'ofensivas chinesas en Guangxi permetèron la reconquista de territòris perduts durant l'operacion Ichi-Go. Aquelei succès foguèron completats en julhet per d'atacas còntra Henan, Fujian e Guangdong que foguèron a cha pauc abandonats per lei Japonés. En aost, l'invasion sovietica de Manchoria agravèt lei problemas de Japon e un nombre important de sei soudats foguèron enceuclats dins una pòcha a l'entorn de Nanchang. Lo 10 d'aost, lei fòrças japonesas de la província de Guangxi capitulèron e lo rèsta reculèt sus totei lei frònts fins a la capitulacion sensa condicion de Tòquio.