Operacion Ichi-Go

Un article de Wikipèdia, l'enciclopèdia liura.
Anar a : navigacion, Recercar
Fotografia de soudats japonés pendent l'operacion Ichi-Go.

L'operacion Ichi-Go se debanèt dins lo corrent de la Segonda Guèrra Mondiala dau 19 d'abriu au 31 de decembre de 1944. Foguèt una ofensiva d'amplor menada per l'armada imperiala japonesa qu'èra destinada a durbir una rota de comunicacion ambé l'Indochina Francesa e a destrurre lei basas aerianas utilizadas per lei Chinés e leis Estatsunidencs. En abriu e en mai, lei Japonés ataquèron donc lei tropas chinesas cargadas de protegir la posicion estrategica de Luoyang que deguèron se retirar. Puei, dins lo corrent de mai, lei Japonés ataquèron e ocupèron lei vilas de Changsha, de Hengyang, de Guilin e de Liuzhou.

Aquelei victòrias permetèron d'establir una liason amb Indochina e d'infligir de pèrdas duras ai Chinés (300 000 combatents perduts còntra 100 000). En revènge, mau capitèron d'eliminar la preséncia aeriana deis Aliats. D'efèct, leis Estatsunidencs abandonèron sei basas dau sud de China au profiech d'installacions situadas dins lei regions interioras ò dins leis Illas Mariannas. De mai, l'aumentacion rapida dau territòri ocupat per l'armada japonesa entraïnèt una dispersion pus importanta de seis unitats e melhorèt pas sa seguretat en fàcia deis atacas menadas per lei diferentei guerilhas chinesas. A la perfin, aquò favorizèt la reconquista chinesa de 1945.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]