Nacionalitat
La nacionalitat es un concepte multifòrme que regarda l'apartenéncia d'un individú ò d'un grop d'individú a una nacion politica ò culturala determinada.
La nacionalitat politica es definida coma una pròva legala de l'apartenéncia a un Estat. Lo concèpte es generalament confondut ambé lo ciutadanatge e aquelei tèrmes pòdon alora èsser utilizats coma sinonims dins lo lengatge ò dins lei documents oficiaus. Pasmens, aquò es pas una obligacion e mai d'un estat fasiá ò fa una distincion entre nacionalitat politica e ciutadanatge.
La nacionalitat culturala ò sociologica es definida per l'apartenéncia a una comunautat que forma pas necessariament un estat independent. Son puslèu de regropament de personas, generalament sus un territòri definit, que partejan una combinason de caracteristicas comunas (lenga, religion, cultura, istòria... etc.).