Mikhaïl Làzarev
| Mikhaïl Làzarev | |
 | |
| Naissença | 3 de novembre de 1788 |
|---|---|
| Mòrt | 11 d'abril de 1851 |
| País d'origina |  Russia |
| Arma | Marina |
| Distincions | Òrde De Sant Jòrdi, classa IV; Òrde De Sant Vladímir, primièra classa; Òrde De Sant Alexandre Nevski; Òrde De l'Aga Blanca; Cavalièr de l'Òrde del Banh (Reialme Unit); Òrde Militar de Sant Loís (França) |
modificar  |
|
L'almiralh Mikhaïl Petròvich Làzarev (en rus: Михаил Петрович Лазарев; 3 de novembre de 1788 – 11 d'abril de 1851) foguèt un comandant de flòta e explorador rus.
Primièrs ans
[modificar | Modificar lo còdi]Làzarev nasquèt a Vladímir, e èra un descendent dirècte de l'anciana noblesa russa de la província de Vladímir. En 1800, dintrèt dins l'escòla Navala de Russia.[1]. Tres ans mai tard foguèt enviat a la flòta britanica, ont demorariá per i far de navegacion contunha de cinc ans. De 1808 a 1813, Làzarev faguèt lo servici dins la Flòta de la Baltica. Durant aquel periòde participèt a la guèrra russosuedesa de 1808-1809 e puèi a la Guèrra Pàtria de 1812.
Carrièra coma explorador
[modificar | Modificar lo còdi]Làzarev d'en primièr va circumnavegar la Tèrra entre 1813 e 1816, a bòrd del vaissèl Suvórov. L'expedicion partiguèt de Kronstadt per arribar en Alaska. Del temps d'aquel viatge, Làzarev descobriguèt l'atòl de Suvòrov.
Coma comandant de la nau Mirni e amb Fabian Gottlieb von Bellingshausen de segond sus son creuer pel mond lo 1819-1821 (Bellingshausen comandava la Vóstok), Làzarev participèt a la descobèrta de l'Antartida e nombrosas islas. Lo 28 de genièr del 1820 l'expedicion descobriguèt lo continent antartic, e se sarrèt a la còsta de l'Antartida a las coordenades 69° 21′ 28″ S, 2° 14′ 50″ O e i contemplèt los camps de glaç.
En 1822-1825, Làzarev circumnaveguèt pel tresen còp amb la fregata Kreyser, e dirigiguèt una ampla investigacion dins los domenis de la meteorologia e e de l'etnografia.
Comandaments en temps de guèrra
[modificar | Modificar lo còdi]En 1826, Làzarev venguèt comandant de la nau Azov, que va navegar en Mediterranèa coma vaissèl insignia del Primièr Escadron Mediterranèu jol comandament de l'amiral Login Heiden e participèt a la batalha de Navarin a 1827. Làzarev Recebèt lo reng de contraamiral per son excelléncia pendent la batalha.
En 1828-1829, foguèt a l'origina del blocatge dels Dardanèls.
En 1830, Làzarev tornèt a Kronstadt e venguèt comandant d'unitats navalas de la Flòta de la Baltica. Dos ans mai tard, foguèt nomenat Cap d'Estat Màger de la Flòta de la Mar Negra.
En febrièr e junh de 1833, amb un escadron a sos òrdres, dirigiguèt una expedicion de la flòta russa a l'estrech del Bosfòr, e signèt lo Tractat d'Unkiar Skelessi amb l'Empèri Otoman. En 1833, Làzarev foguèt nomenat Comandant de la Flòta de la Mar Negra, dels pòrts de la Mar Negra, e tanben governador militar de Sebastòpol e Mikolàiv. Dins lo meteis an foguèt nomenat viceamiral.
Influéncia e legat
[modificar | Modificar lo còdi]L'almiral Làzarev foguèt influent sul plan tecnic e coma mentor de joves oficials. Plaidegèt per la creacion d'una flòta impulsada per vapor, mas lo retard tecnic e economic de Russia foguèt un important obstacle per aiçò. Va tanben instruir divèrses comandants de la flòta russa, coma Pàvel Nakhímov, Vladímir Kornílov, Vladímir Istomin e Grigori Butàkov.
Divèrses luòcs an recebut son nom. Se pòdon citar
- Làzarevskoie, Una zòna de la vila de Sotxi
- Làzarev, Un possiólok del territòri de Khabarovsk a Russia
- Un atol de Tuamotu nomenat Mataiva a l'ora d'ara, mas cristianat originalment coma Lazaroff, a l'Ocean Pacific;
- Badia de Làzarev de l'Ocean Antartic;
- Una sarrada de l'Antartida;
- Mar de Làzarev, una mar marginala a l'Ocean Antartic
- Plataforma de glaç Làzarev;
- Doas estacions antarticas:
- Làzarev;
- Novolàzarevskaia;
- Canal Làzarev de l'Antartida.
- Un crosaire leugièr encargat per l'Armada Imperiala lo 1914, completat e rebatejat coma Krasni Kavkaz après la revolucion.
- Los crosaire sovietic Almirall Lazarev foguèt un creuer de la classa Sverdlov bastit en lo decènni de 1950.
- Lo crosaire de batalha classa Kirov Frunze passèt a se sonar Almirall Lazarev après la dissolucion de l'Union Sovietica.
Làzarev Moriguèt a Viena e es enterrat amb sos discipols Nakhímov, Kornilov e Istomin a la Cripta dels Amirals de Sebastòpol.[2] Una planeta mendre, lo 3660 Lazarev, descobèrt pel astrònom sovietic Nikolai Txernikh en 1978, pòrta lo sieu nom.[3]
Onors e decoracions
[modificar | Modificar lo còdi]- Òrde De Sant Jòrdi, classa IV
- Òrde De Sant Vladímir, primièra classa
- Òrde De Sant Alexandre Nevski
- Òrde De l'Aglga Blanca
- Cavalièr de l'Òrde del Banh (Reialme Unit)
- Òrde Militar de Sant Loís (França)
Referéncias e nòtas
[modificar | Modificar lo còdi]- ↑ Rodoslovnyi sbornik Russkikh dvorianskikh familii
- ↑ Mikhaïl Làzarev
- ↑ Schmadel
Ligams extèrnes
[modificar | Modificar lo còdi]- Una mapa de la siá expedicion a l'Antartida (en rus) Atencion: totas las datas son en calendari julià