Mesura fisica

Un article de Wikipèdia, l'enciclopèdia liura.
Salta a la navegació Salta a la cerca
Patron del quilograma estandard

La mesura fisica qu'ei l'accion de determinar la o las valors d'ua grandor (longor, capacitat, etc.), per comparason dab ua grandor constanta de medisha espècia presa coma tèrme de referéncia (etalon o unitat).

Mesura fisica en mecanica classica[modificar | modificar la font]

En mecanica classica, ua mesura fisica qu'ei ua valor numeric o magnitud d'un atribut fisic d'un objècte, coma la longor, la capacitat, lo volum o la massa, obtenguda per experimentacion e exprimida dens ua escala d'unitats.

Dens lo Sistèma Internacional d'Unitats pòt èsser lo mètre, lo litre o lo quilograma.

Mesura fisica en mecanica quantica[modificar | modificar la font]

En mecanica quantica, quan mesuran ua grandor fisica (un atribut fisic), que pòden obténguer mei d’un resultat. Que parlan de probabilitat d’obténguer un resultat.  

Los resultats possibles d’ua mesura en fisica quantica[modificar | modificar la font]

Valors quantificadas que pòt prénguer los resultats d'ua mesura d'energia. Que son discontinuas (gradèrs).
Valors que pòt prénguer los resultats d'ua mesura d'energia. Que son discontinuas (gradèrs).

A la grandor fisica A, qu’ei associada ua observabla Â. Aquera observabla que s’escriu per ua matriça de N colomnas e N linhas. Que pòden escríver la matriça dab la fòrma d'ua matriça diagonau. Tots los coeficients de la matriça que son nuls manca los de la diagonala. Que parlan de diagonalisacion. Las valors diagonaus de la matriça que son ditas valors pròprias de l’operator hermician. Que corresponen aus resultats possibles de la mesura fisica. Se i a un nombre finit de valors pròprias, que i a un nombre fenit de resultats possibles. Que dísen los resultats de la mesura que son quantificats.

Que vesen ací lo principi de quantificacion : Las mesuras ne pòden pas balhar sonque résultats qui corresponen a las valors pròprias deus operators matematics. Totas las valors ne son pas possiblas.

Nòtas[modificar | modificar la font]


Vejatz tanben[modificar | modificar la font]

Tièra de 1000 articles que totas las Wikipèdias deurián aver.