Maurin dei Mauras
Maurin dei Mauras es un roman de Joan Aicard de 1906 e, de segur, lo mai emblematic de la 
Provença de Var 
dins la literatura de lenga francesa.
Son personatge principau es l'eponim Maurin dei Mauras, un caçaire galejaire e fier escaissat lo "Rei dei Mauras". Foguèt seguit per un autre roman : L'illustre Maurin.
Resumit
[modificar | Modificar lo còdi]Maurin es un caçaire tant respectat dins lei Mauras que ne'n vèn una legenda e una autoritat locala fòrça respectada. Es tanben un seductor e Tonia, la filha d'un garda de caça còrsa e seducha per eu ; pasmens, es fiançada amb un gendarma, còrse tanben, que ne'n vèn fòrça gelós ; en mai d'aquò, Maurin es au còp un pauc braconier e ansin sempre a la termiera de la legalitat, mai d'un autre costat, es fòrça coratjós e onèste e umilia lei gendarmas en arrestant eu mèsme de delinquants escapats que lei gendarmas capitavan pas de prene.
Quand un novèu Prefècte arriba a Draguinhan, après avís assantat de son secretari, aqueu se cèrca l'ajuda politica de Maurin.
Lo prefècte demanda en premier l'ajuda de Maurin per organizar una partida de caça ambé de monde fòrça important; pus tard, li demanda d'ajudar son candidat a l'eleccion legislativa seguenta. Maurin accèpta e capita mai que mai perque crètz en son onestetat e perque es republican.
Après un grand nombre d'aventuras ambé lei gendarmas, lei fremas e la politica, lo roman se clava tot sobte ambé la rumor de la mort de Maurin que sembla atestada mai que pauc la vòlon crèire.
