Matagòt

Un article de Wikipèdia, l'enciclopèdia liura.

Un matagòt o mantagòt es un gat generalament negre e diabolic dei legendas de Provença, de Lengadòc, de Gasconha e de Bretanha.

La màger dei racòntes depintan lo matagòt coma un animau obtengut per un masc en cambi de son arma. Dins lo corrent de la nuech, lo gat es supausat se passejar dins d'endrechs misteriós per s'entornar a l'auba ambé de pèças d'aur per son mèstre. En retorn, lo mèstre dèu s'ocupar dau gat o, au mens, li donar una recompensa car un matagòt negligit pòu assaiar de se venjar. Pasmens, existisse mai que d'una variante sus aquela legenda arregardant lo caractèr diabolic o non dau gat, son biais de chausir son mèstre o lo biais per lo mèstre de fòrçar lo gat de l'escotar, la quantitat de pèças portada cada matin, la valor d'aquelei pèças e sa reaccion en cas d'abandon per son mèstre.

Lei legendas dau matagòt forman una partida importanta dei supersticions arregardant lei gats negres dempuei l'Edat Mejana.

Bibliografia[modificar | Modificar lo còdi]

  • Jean-François Bladé, Contes de Gascogne, Maisonneuve, 1886.
  • Michel Masse, Mémoire sur le canton de La Ciotat, 1842.