Marmolada

Marmolada vista de la Malga Contrin.

Marmolada (que li dison la "reina de las Dolomitas", Marmolèda en ladin e Marmolata en alemand) es un massís montanhós dels Alps orientals (Dolomitas) a la frontièra entre la província de Trent e la província de Belluno, punt culminant de las Dolomitas, qu'atenh l'altitud maximala de 3343mètres a la Punta Penia, delimitada a l'èst per la Val Pettorina e a l'oèst per la Val di Fassa, amb d'autras vals importantas al dintre del grop que son (d'èst en oèst) la Val Contrin, la Val di Grepa e la Val San Nicolò.

Non estrictament compausada de dolomita (coma las Dolomitas vertadièras) mas principalament de calcaris gris fòrça compactes derivats d'escuèlhs coralians (calcari de Marmolada), amb d'insèrts de matèria volcanica, cal senhalar tanben la preséncia dins lo massís del pus grand glacièr de las Dolomitas, lo glacièr de la Marmolada.