Malmasin

Malmasin qu'ei un mont de 361 m d'altitud qui marca lo limit enter las comunas d'Arrigorriaga, Basauri e Bilbao, en Biscaia, au Bascoat. Que hè partida de la cadea de Ganekogorta.

Au som que's tròban vestigis d'un sit hortificat protoistoric, coneishut com lo Castro de Malmasin. En 2001, aqueste jaç arqueologic celtic qu'estó arreconegut com «ben culturau» dab la categoria d'«ensemble monumentau» peu govèrn de la Comunautat Autonòma Basca.

Daubuns que'u considèran com la localizacion deu castèth reiau navarrés de Malvecín qui, segon l'acòrd de 1179 enter los reis Sanç VI de Navarra e Anfós VIII de Castelha, en vertut de la senténcia arbitrau de 1177 d'Enric II d'Anglatèrra, e haré partida deu Reiaume de Castelha.