Luthien

Un article de Wikipèdia, l'enciclopèdia liura.
Salta a la navegació Salta a la cerca
La tomba de Tolkien e la siena femna Edith.

Luthien Tinuviel es un personatge fictiu de l'univèrs de J.R.R. Tolkien, la Tèrra Mejana. Foguèt una elf, la pus bèla de totes los filhs d'Iluvatar, filha del rei Elu Thingol de Doriath e Melian la Maia.

La sieuna istòria d'amor amb lo mortal Beren es un dels racontes de l'Antiquitat mai importants, reflectit milièrs d'annadas apuèi en Aragorn e Arwen. Luthien vòl dire "Genta", e Tinuviel vòl dire "Rossinhol". Aqueste darrièr escais li foguèt donat per Beren aprés l'ausir cantar.

Tolkien basèt lo personatge en la siena femna Edith.

Luthien s'enamorèt de Beren, un òme de l'Ostal de Bëor. La relacion èra pas possible dempuèi lo començament pr'amor que Luthien èra la mai aimada filha del rei dels elfs de Beleriand e d'una maia, del temps que Beren èra un mortal fugitiu de las fòrças del Senhor Escur.

Thingol decidiguèt arrestar lo matrimòni de Beren amb la sieuna filha, e pr'aquò li demandèt una mission impossibla: li aviá de portar un dels Silmarils que Morgoth aviá dins la sieuna corona. Mas Beren marchèt sens o voler son paire per ajudar Beren en la sieuna mission. Plusors perilhs aprés, amb un raubatòri comés pels filhs de Feanor, la fugida de la preson de Sauron e la mòrt del sieu amic Finrod Felagund, la parelha poguèt complir la sieuna mission mas pauc aprés Beren moriguèt. Luthien moriguèt de dòl e un còp a las Cambras de Mandos demandèt al vala la vida de Beren e atanben la sieuna. Mandos acordèt tornar Beren a la vida amb la condicion que quora arribèsse lo sieu jorn ambedos moririán coma d'òmes mortals. Foguèt l'unic còp que Mandos foguèt compassiu e atal lo sacrifici de Luthien foguèt gigant en tot renonciar a la sieuna vida immortala.

Retornats a la Tèrra Mejana, s'establiguèron a Ossiriand, e aguèron un filh, Dior. Beren demandèt los nans de metre lo Silmaril raubat a Morgoth dins un joièl, lo Nauglamir, que donèt a Luthien. Es dich que quora ela l'aviá la sieuna belesa e la de la gemmna fasián d'ela la creatura mai bèla que jamai existiguèt.

La parelha moriguèt al còp, e lo Nauglamir foguèt per son filh Dior.