Louise Attaque

Louise Attaque es un grop de pop rock francés de París format en 1994. Lo primièr album del grop, Louise Attaque, sortit en abril de 1997, s'es vendut a 2,8 millions d'exemplaris en França, fasent d'el lo mai vendut per un grop de tota l'istòria del rock francés.

Mantuns albums de Louise Attaque foguèron produits per Gordon Gano, cantaire american del grop Violent Femmes. Lo nom del grop Louise Attaque es evidentament en referéncia a Violent Femmes, Louise per Femme (femna) e Attaque per Violent.

Biografia[modificar | Modificar lo còdi]

Quitament grop parisenc, en realitat lo nuclèu inicial de Louise Attaque que se disiá Caravage s'es pr'aquò format a Montargis e èra d'en primièr sonque compausat del duo Robin Feix e Gaëtan Roussel, Gaëtan Roussel de son costat nascut en Occitània, a Rodès. Caravage intègra lèu a la batariá Alexandre Margraff. Es ambe l'arribada en 1994 al violon de Arnaud Samuel que lo grop s'establís a París e pren per nom Louise Attaque.

En 1997, lor cançon J't'emmène au vent, pop festiva acostica d'influéncia fòlc (violon) jogada ambe una velocitat rock mès sens guitarra electrica, completament a contra briu de çò que se fasiá musicalament a l'epòca (en matéria de rock, sèm en plena periòda post grunge, noise e nu metal), ambe lo cant del Gaëtan Roussel a las intonacions fòrça curiosas, sospren tot lo monde per son originalitat e ven un tube enòrme en França. Aital, las ventas de lor primièr album explosan, deven n°1 au mes de mai de 1998^[1], fasen d'el l'album lo mai vendut per un grop dit rock francés.

Lo Gaëtan Roussel a un autre grop en mai de Louise Attaque que se ditz Tarmac. Sortís tanben d'albums en son nom pròpi.