Louane Emera
Anne Peichert, coneguda coma Louane Emera o mai simplament Louane, es una cantaira, musiciana e actritz francesa, nascuda lo 26 de novembre de 1996 a Hénin-Beaumont (França). Son paire a d'originas alemanda e polonesa, e sa maire es de soca portuguesa brasiliana.
Es estada remarcada en 2013 a la television francesa dins The Voice : La plus belle voix, una emission destinada a lançar de novèls talents de la cançon, ont, sostenguda per Louis Bertignac, arribèt fins a la semifinala.
Louane obten sustot una granda notorietat en 2015 gràcias a son primièr ròtle dins lo film La famille Bélier (film sortit en salas publicas al mes de decembre de 2014) que li val lo Cesar del melhor espèr femenin de 2015. Dins aqueste film, i confirma son talent de cantaira en i interpretant d'un biais remirable de represas del cantaire francés (occitan per son paire) Michel Sardou (Je vais t'aimer, Je vole, En chantant...).
Entretemps, en 2014, a començat de rendre public sas primièras cançons, en particular Jour 1 tre lo mes de març de 2014, e Avenir fin de novembre, doas cançons qu'obtenon dins los païses francofòns un resson considerable, prefigurant la capitada colossala de son primièr album, Chambre 12 (sortit lo 2 de març de 2015), que serà l'album lo mai vendut en França en 2015.[1] Es estada a n'aquesta epòca un pauc comparada a la cantaira canadiana Cœur de pirate.[2]
Filmografia
[modificar | Modificar lo còdi]- 2014 : La Famille Bélier d'Éric Lartigau
- 2017 : Nos patriotes de Gabriel Le Bomin
- 2018 : Les Affamés de Léa Frédeval
- 2023 : Marie-Line et son juge de Jean-Pierre Améris
Discografia
[modificar | Modificar lo còdi]- 2015 : Chambre 12
- 2017 : Louane
- 2020 : Joie de vivre
- 2022 : Sentiments
Cançons mai conegudas
[modificar | Modificar lo còdi]- Jour 1 (2014)
- Avenir (2014)
- Je vole (2015, represa de Michel Sardou)
- Je vais t'aimer (2015, represa de Michel Sardou)
- Maman (2015)
- Jeune (j’ai envie) (2015)
- Nos Secrets (2015)
- On était beau (2017)
- Si t’étais là (2017)
- No (2018)
- Donne-moi ton cœur (2020)
- Aimer à mort (2021)
- Secret (2022)
- Pardonne-moi (2023)