Lo Pairòu de l'Estaca
Lo Pairòu de l'Estaca (Lou Peiroù de l'Estaco en grafia mistralenca) es un ancian obrador de tenchura de rets de pesca installat dins lo quartier marselhés de L'Estaca. Foguèt creat vèrs 1899 dins un bastiment qüadrangular dau sègle XIX a l'iniciativa dau sindicat dei pescaires de L'Estaca ambé l'ajuda de la prodomia dei pescaires de Marselha. Permetiá de remplaçar lei tecnicas artesanalas, e de còps perilhosas, de tenchura dei rets, dei velas e dei cordatges per un procès pus segur e pus rapide[1].
Lo succès de l'obrador foguèt important e atirèt de pescaires dau litorau entre Lo Martegue e lo sud de Marselha. Arrestèt son activitat dins leis annadas 1960 ambé la generalizacion dei rets de nilon imputrescible. Pasmens, leis installacions foguèron gardadas e l'ensems foguèt inscrich ai monuments istorics en 1998.
Liames intèrnes[modificar | Modificar lo còdi]
Bibliografia[modificar | Modificar lo còdi]
Nòtas e referéncias[modificar | Modificar lo còdi]
- ↑ La tenchura permetiá de protegir lei rets, lei velas e lo cordatge de la mosidura.