Livius Andronicus
Lucius Livius Andronicus (vèrs 284 - vèrs 204 av. JC) foguèt un escrivan roman e grèc dau sègle III av. JC. Es lo premier autor latin conegut.
De naissença e de cultura grègas, foguèt inicialament preceptor au servici de l'aristocracia romana. Per aquò, foguèt l'autor de traduccions d'òbras grègas en latin, especialament l’Odissèa. Puei, escriguèt de pèças de teatre en latin a partir de modèls grècs e, vèrs 240 av. JC, organizèt la premiera representacion teatrala en latin. Pasmens, son òbra es fòrça mau coneguda car la màger part de sei pèças son desenant perdudas.