Liber ignium
Lo Liber ignium ad comburendos hostes (« Libre dei fuòcs per cremar seis enemics »), sovent abreujat Liber ignium (« Libre dei fuòcs »), es un obratge tecnic redigit au sègle XIII. Son autor, dich Marcus Graecus, es totalament desconegut. Son trabalh es una colleccion de 35 preparacions pirotecnicas coma la fabricacion dau fuòc grèc, la preparacion dau saunitre, la fabricacion de la pouvera ò la realizacion d'una fusada. L'origina dei recèptas sembla arabogrèga mai certanei procès son d'apondons bizantins.
Lo Liber ignium es un obratge fòrça important per l'istòria dei sciéncias car una partida dei substàncias descrichas èran desconegudas en Euròpa Occidentala avans lo sègle XIII. De mai, permet de detalhar lei procès de fabricacion primitiu de la pouvera ò dei premiereis armas incendiàrias.