Leptocleidus

Leptocleidus ei un pliosaure conegut pr'amor que demorava sustot en aigua dolça, en es boques des arrius e en lacs.

Leptocleidus ei un genre escantit de pliosaurids leptocleidides (1) que demorèc pendent eth cretacèu, en Anglatèrra, Austràlia e Africa del Sud (2). Ei eth solet pliosaure conegut trapat en es estrats dera Isla de Wight.

Descripcion

Damb granes clavicules, interclavicules e omoplats petits, Leptocleidus ère semblant a Rhomaleosaurus (jurassic inferior) e as plesiosaures dera familha des Polycotylidae (cretacèu). Aguest animal avia 22 dents en cada maxillar e d'aperaquí 35 dents en cada costat dera maishèra. Eth cran avia forma triangular e avia ua cresta sagital e arribava enquiara fin deth nas. Ère desparièr d'autes pliosaures pr'amor qu'avia es costelhes cervicals damb un solet cap e ua prehonda depression en eth centre des vertèbres deth còth.

Leptocleidus hèia 3 m de longada. totun, Leptocleidus superstes ère un 50% mès petit (1,5 m) e pr'açò qu'ère era espècia mès petita.

Vida

Leptocleidus ère desparièr d'autes plesiosaures pr'amor que demorava en lacs prehonds e probablaments tanben en arrius saladi o d'aigua dolça (coma en es boques des grans arrius). Açò hèc pensar Cruickshank qu'anava entàra aigua dolça pr'amor que hugie des grans plesiosaures e pliosaures. Es coneishen plan de despulhes enes Isles Britaniques mès era espècia Leptocleidus capensus siguec descurberta ena provincia deth Cap, en Africa del Sud (3). Atau qu'es coneishen aué quate espècies; Leptocleidus capensis, que demorèc en Africa del Sud, Leptocleidus clemai, que demorèc en Austràlia der oèst, Leptocleidus superstes, que demorèc en Anglatèrra e Leptocleidus sp que demorèc ena Isla de Wight.

Bibliografia

· Smith AS, Dyke GJ. 2008. The skull of the giant predatory pliosaur Rhomaleosaurus cramptoni: implications for plesiosaur phylogenetics. Naturwissenschaften e-published 2008.

· Ketchum, H. F., and Benson, R. B. J. (2010). «Global interrelationships of Plesiosauria (Reptilia, Sauropterygia) and the pivotal role of taxon sampling in determining the outcome of phylogenetic analyses». Biological Reviews 85 (2): 361–392. doi:10.1111/j.1469-185X.2009.00107.x. PMID 20002391. · Cruikshank A. R. I. (1997). «A lower Cretaceous Pliosauroid from South Africa». Annals of the South African Museum 105: 206–226. O'Keefe F. R. (2001). «A cladistic analysis and taxonomic revision of the Plesiosauria (Reptilia: Sauropterygia)». Acta Zoologica Fennica 213: 1–63.