Lengas tiefo

Un article de Wikipèdia, l'enciclopèdia liura.
Salta a la navegació Salta a la cerca

Las lengas tiefo son una pichona branca de lengas gor parladas en Burkina Faso. Lo tiefo es sovent presentat coma una sola lenga, mas Heath, Hantgan e Ouattara (2017) distinguisson doas lengas diferentas.

Classificacion[modificar | modificar la font]

Lo tiefo fa partida del gor sonat periferic, qu'es a dire que la question de sa plaça dins lo grop de las lengas gor demòra irresolguda. Heath, Hantgan e Ouattara, perpausan alaidonc de lo considerar coma una branca del ensem gor. Lo problèma es lo mateis per lo viemo, lo tossian e lo wara-natioro[1].

Heath, Hantgan e Ouattara identifican doas lengas tiefo, lo tiefo de Niafogo (sonat per els tiefo-N) e lo tiefo de Daramandougou (tiefo-D). Aquel fach, foguèt ja establit per Winkelmann, qu'estudièt las doas lengas en 1990-1994 e que constatèt qu'èran pas mutualament comprensiblas[2].

Vitalitat[modificar | modificar la font]

Lo tiefo es plan menaçat de disaparéisser. Dempuèi la fin del sègle XIX, es mai que mai remplaçat pel diola, una lenga mande que ven a èsser la lingua franca, e la lenga dominanta dins lo sud-oèst de Burkina Faso[3].

Notas e referéncias[modificar | modificar la font]

  1. Heath, Hantgan e Ouattara 2017, p. 2.
  2. Heath, Hantgan e Ouattara 2017, p. 1, 5.
  3. Heath, Hantgan, Ouattara 2017, p. 1.

Fonts[modificar | modificar la font]