Lengas bora-witotoanas

Las lengas witotoanas

Las lengas bora-witotoanas son una familha de lengas amerindianas parladas en Amazonia, al Peró e en Colómbia, en America del Sud.

Classificacion

La familha bora-witotoana, per Aschmann, acampa dos grops de lengas, lo bora-muinane e lo witoto, qu'èran ancianament vistas coma doas familhas pas aparentadas. Aschmann considera que lo witoto es partejat en tres lengas, lo nɨpode, lo murui e lo mɨnɨca. Per Seifart, lo witoto es una lenga constituida de quatre dialèctes.

• grop bora-muinane:
  • bora amb lo miraña
  • muinane
• grop ocaina-witoto:
  • ocaina
  • sosgrop witoto:
    • witoto nɨpode
    • witoto mɨnɨca
    • witoto murui
    • witoto mɨca
• nonuya

Validitat de la familha

Seifart estima que la parentat perpausada per Aschmann entre lo bora-muinane e l'ocaina-witoto es pas provada. Se los dos grop pareisson aver un vocabulari basic comun, Seifart tròba pas de ligams dins la morfologia gramaticala de las lengas

Fonts

• (en) Willem F. H. Adelaar, Pieter C. Muysken, 2004, The Languages of the Andes, segonda edicion 2007, Cambridge Language Surveys, Cambridge, Cambridge University Press ISBN: 978-0-521-36831-5
• (en) Richard P. Aschmann, 1993, Proto-Witotoan, Dallas, Summer Institute of Linguistics ISBN: 0-88312-189-1
• (en) Frank Seifart, 2007, The Prehistory of Nominal Classification in Witotoan Languages, International Journal of American Linguistics, 73:4, p. 411-445.