Leila K

Leila K es lo nom de scèna de Leila El Khalifi, una cantaira suedesa anglofòna de soca marroquina nascuda lo 6 de setembre de 1971 a Göteborg (Suècia).

En 1989, Leila K obten un primièr succès rap ambe lo títol Got to Get.

A la debuta de las annadas 1990, se vira cap a la tècno dance : participa alavetz al primièr album Hello Afrika del Dr. Alban puèi obten a la tota debuta de l'annada 1993 un tube en solò en Euròpa e quitament un pauc endacòm mai (en America) ambe son títol Open Sesame. A fach còp-sec una represa tècno de Ça plane pour moi de Plastic Bertrand, represa qu'a taben agut de resson en 1993.

Per l'anecdòta, que fa pròva de l'influéncia qu'a pogut aver sus la scèna electro dins las annadas 1990, Leila K es citada coma una referéncia assumida per la famosa cantaira americana Lady Gaga.