Lei filhetas de Tolon

Un article de Wikipèdia, l'enciclopèdia liura.
Salta a la navegació Salta a la cerca
Allegro Rondo ambé l'aire dei Filhetas
Adaptacion per doàs flaütas de Vive les fillettes

Lei filhetas de Tolon es una cançon provençala. Son aire es lo Vivace dau Concerto en Fa Major per Arpa de Jan Křtitel Krumpholtz qui explica en haut de la particion qu'ei un "Rondo Allegro qui lo tèma es ua cançoneta de Mr Albanèse. Paroles Vives les fillettes[1].

Paraulas[modificar | modificar la font]

Lei filhetas de Tolon
Aiman lei cachòflas
Se manejan lo menton
Dient que n'an pas pron.
Ma tanta Norada
Fasiá la salada ;
Maridèt sa filha
amb un tambor majòr
Lei filhetas de Tolon
Aiman lei cachòflas
Se manejan lo menton
Dient que n'an pas pron.

Lei filhetas de Tolon
An bòna tornura
Dau cotet fins qu'ai talons
An bòna façon :
An la camba fina,
La cavilha prima,
La talha ben drecha
Un polit morron.
Lei filhetas de Tolon
An bòna tornura
Dau cotet fins qu'ai talons
An bòna façon.

Jan Křtitel Krumpholtz

Lei filhetas de Tolon
Son pas lenga muda ;
S'un galejaire lei ponh,
Li tornan rason.
Car se son corosas
Son gaire crentosas
E cu lei cotiga
Se n'avisa pron
Lei filhetas de Tolon
Son pas lenga muda ;
S'un galejaire lei ponh,
Li tornan rason.


Lei filhetas de Tolon
Coma lei cigalas,
De soleu e de cançons
N'an jamai son pron.
Que lavan bugada
Tota la jornada
O ben qu'en faucada
Fagan rejauchon.
Lei filhetas de Tolon
Coma lei cigalas,
De soleu e de cançons
N'an jamai son pron.


Lei filhetas de Tolon
Aiman ben la dança ;
Van dançar lo rigaudon
Amb lei garçons.
Sei gents clinhaires
An tot per lei plaire,
An bèla paraula
E l'argent minhon.
Lei filhetas de Tolon
Aiman ben la dança ;
Van dançar lo rigaudon
Amb lei garçons.


Lei filhetas de Tolon
An la renomada
D'escochar sensa façon
Laissant lei cantons.
Mai acò es nasca
Per lei vièlhei mascas
An ben mei de gaubi
E mai de rason.
Ai filhetas de Tolon
Degun fa la figa
Tot lusís dins sei maisons
Mema lei cantons.


Nòtas[modificar | modificar la font]

  1. En frances dens la particion editada per Naderman : "Allegro Rondo dont le thème est une chansonnette de Mr Albanèse

Liame extèrne[modificar | modificar la font]