Lan Xang

Un article de Wikipèdia, l'enciclopèdia liura.
Salta a la navegació Salta a la cerca
Lan Xang e leis autreis estats d'Asia dau Sud-Èst en 1400.

Lan Xang èra un reiaume asiatic situat en Laos qu'existiguèt de 1354 a 1707.

Fondat au sègle XIV per lo prince Fa Ngum, senhor educat a la Cort d'Angkor, que capitèt d'unificar Laos sota sa direccion. I installèt sa capitala a Luang Prabang e favorizèt la difusion dau bodisme dins son reiaume ambé l'ajuda deis emperaires khmers. Maugrat sa feblessa demografica, aquel estat capitèt de prendre lo contraròtle dau quart nòrd-oèst d'Indochina. Pasmens, deguèt generalament tenir còmpte deis interès e deis ambicions deis estats vesins pus poderós. Au sègle XVI, assaièt sensa succès de conquistar Lanna onte se turtèt ai ambicions dei Birmans e foguèt obligat de s'aliar ai Siamés. En 1563, la capitala foguèt transferida de Luang Prabang a Viengchan, vila pus alunchada de la frontiera. Lan Xang conoguèt son apogèu durant lo rèine de Souligna Vongsa (1637-1694). Sobeiran pacific, respectava escrupulosament la lèi e condamnèt a mòrt son fiu ainat per adultèri. Aquò entraïnèt de guèrras de succession que minèron rapidament lo reiaume e lo fragmentèron.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]