Kaolin (pop francesa)

Un article de Wikipèdia, l'enciclopèdia liura.
Guillaume Cantillon, lo cantaire de Kaolin

Kaolin es un grop de pop ròck format en 1999 a Montluçon (Occitània), que canta mai que mai en francés. Format en 1999, es compausat del Francés Guillaume Cantillon (votz e bassa) e de son fraire Julien « June » Cantillon (guitarra e votz), de Vivien Bouchet (guitarra e votz), de Ludwig « Lulu » Martins (guitarra e votz) e de Olivier Valty (batariá). Lo grop se dessepara en 2014.

Biografia[modificar | Modificar lo còdi]

Los fraires Cantillons an passat lor enfància dincas a lors dètz ans dins Amians (Picardia). A la fin de las annadas 90, establits a-n'aquesta periòda a Montluçon dins lo Borbonés occitan, te fondan Kaolin e te publican alavetz en 1999 un primièr EP de qualquas cançons en francés titolat Purs moments.

En 2002, lor primièr album Allez es una capitada, que de cançons son difusidas regularament sus mantunas ràdios ròck.

Pr'aquò lor segond album De retour dans nos criques, sortit en 2004, obteng pas tròp de resson, e Barclay, lor maison de disc, arrèsta lor collaboracion.

Alavetz, lor tresen album Mélanger les couleurs te sortís en setembre de 2006 sus lo label independent At(h)ome. Serà fin finala lor mai polit succès popular e comercial mercés a la sansònha Partons vite, classada dins los charts en França tre la fin de 2006 (en 10ena posicion au mes de genièr de 2007)[1]. Aquesta cançon se sarra de I Want You de Bob Dylan[2], una influéncia assumida per los de Kaolin.

En octobre de 2010, Kaolin te sortís son quatren album, simplament titolat Kaolin, adobat par Jean-Louis Piérot del grop Les Valentins.

Lor cinquen album, Un souffle sur la roche, te sortís en setembre de 2013. Los sòcis del grop t'anonçan lor separacion lo 5 de junh de 2014.

Discografia[modificar | Modificar lo còdi]

  • 2002: Allez
  • 2004: De retour dans nos cirques
  • 2006: Mélanger les couleurs
  • 2010: Kaolin
  • 2013: Un souffle sur la roche

Referéncias[modificar | Modificar lo còdi]

  1. http://www.chartsinfrance.net/Kaolin/Partons-vite-s6180.html
  2. https://www.telerama.fr/musique/salut-les-copies-avant-le-cas-robin-thicke-pharrell-williams-quelques-autres-histoires-de-plagiat,124040.php