Joan Nièl

Retrach de Joan Nièl en 1932

Joan Nièl (en francés: Jean Niel; Espaliu, 26 de decembre de 1894 – Frejús, 24 de genièr de 1987) èra un avocat e un politician occitan que foguèt deputat d’Avairon de 1930 a 1942.

Biografia

Joan Nièl, aprèp d’estudis a l'institucion Santa Maria de Rodés e al licèu, serviguèt coma oficièr durant la Primièra Guèrra Mondiala, qu’i fFoguèt nafrat en 1915. De 1919 a 1920 venguèt cargat de mission en Polonha abans d'èsser mandat a Madagascar. Laissèt l'armada en 1922 e se marquèt coma avocat al tribunal de Rodés.

Se presentèt pel primièr còp a las eleccions a un escrutinh legislatiu parcial organizat après la mòrt d'un deputat conservador en 1930. Candidat republican d'union nacionala, foguèt elegit trionfalament qu'obtenguèt mai de 6000 sufragis e que son adversari malastrós n'aguèt mens de 500.

Foguèt reelegit en 1932 e 1936.