Joan Calvin

Un article de Wikipèdia, l'enciclopèdia liura.
Anar a : navigacion, Recercar
Joan Calvin

Joan Calvin, en francés Jean Calvin, nascut "Jean Cauvin", (10 de julhet de 1509 - 27 de mai de 1564) foguèt un teologian preeminent de la Reforma protestanta. Son ensenhament foguèt nomenat, a posteriòri, lo calvinisme. Nasquèt a Noyon en Picardia, d'una familha picarda. Aviá uèch ans quand Martin Luther publiquèt sas 95 tèsis.

Calvin faguèt sas umanitats e estudièt lo drech a l'Universitat de París. En 1532 recebèt lo gra de Doctor en Drech a Orleans. Sa primièra publicacion foguèt una edicion del filosòf roman Senèca, De clementia, acompanhada per un comentari.

Calvin es considerat coma un dels reformadors protestants mai influents. Publiquèt a las Institucions de la Religion Crestiana en 1536 en latin, un dels escriches pus importants de teologia crestiana, e en 1541 publiquèt la version en francés.