Jeannette Guyot

Jeannette Guyot (26 de febrier de 1919, Chalon-sur-Saône - 10 d'abriu de 2016, Chalon-sur-Saône) foguèt una resistenta francesa que participèt a la Segonda Guèrra Mondiala.

Jonhèt la França Liura en setembre de 1941 e participèt a de missions d'exfiltracion de pilòts aliats ò de civius vèrs la zòna liura. Puei, venguèt agenta de liason cargada de transmetre d'informacions ais Aliats avans de ragantar lo ret Confrariá Nòstra Dama dau coronèu Rémy. Pasmens, aquela organizacion foguèt descubèrta per leis Alemands en junh de 1942 e Jeannette Guyot deguèt s'enfugir en Anglatèrra. I jonhèt lei volontaris francés formats per participar au Plan Sussex e a la Mission Pathfinder. Foguèt ansin parachutada en França lo 8 de fevrier de 1944 amb un grop de tres resistents (Marcel Saubestre, Georges Lasalle e Pierre Binet) per crear una cellula de recèrca de pilòts aliats abatuts. Acabèt lo conflicte ambé lo reng de luòctenent.

Recebèt plusors guierdons en França (Legion d'Onor, Crotz de guèrra 1939-1945 e Medalha de la Resisténcia), au Reiaume Unit (Medalha de George) e ais Estats Units d'America (Distinguished Service Cross). Après la guèrra, se retirèt de la vida publica fins a sa mòrt.

Liames intèrnes

• Resisténcia Francesa.