Jean Ybarnégaray

Michel Albert Jean Joseph Ybarnégaray, nascut lo 16 d'octobre de 1883 a Uhart-Cize (Bassas-Pirenèus) e mòrt lo 25 d'abril de 1956 a París, es un òme politic francés.

Biografia

Avocat de profession, es lo president-fondator de la Federacion francesa e internacionala de pelòta basca en 1929.

Mobilizat en agost de 1914, es nafrat al Camin de las Dònas, combat a Verdun, e acaba la guèrra coma capitània d'estat major e cavalièr de la Legion d'onor.

Maire d'Uhart-Cize, es deputat de Maulion (Bassas-Pirenèus) d'abril de 1914 a mai de 1942. S'afilia successivament als grops parlamentaris Ententa republicana democratica, Union republicana democratica, Federacion republicana, e Independents republicans. Pròche de las ligas coma : Joventuts patriòtas (JP) e puèi Croses-de-fuòc ont accedís al mai naut nivèl de l'ierarquia, es, après 1936, un dels quadres del Partit social francés (PSF) del coronèl de la Rocque dont es lo deputat mai celèbre e lo cap del grop parlamentari.