Huelha bèta

Un article de Wikipèdia, l'enciclopèdia liura.
Anar a : navigacion, Recercar
Formacion deus ligams idrogèns d'ua huelha bèta
Encadenament de mantuas huelha bèta e la loa orientacion simbolizadas per sagetas

La huelha bèta (var. fulhet bèta), en anglés: beta sheet, qu'ei (amassa dab l'eliç alfa) ua de las duas formas estructuraus segondàrias màgers de las proteïnas.

Qu'ei formada per l'establiment de ligams idrogèns enter duas cadenas polipeptidicas (aperadas cadenas bèta - en anglés: beta strand).

Huelha bèta antiparallèla (dab los grops R de las orientacions opausadas)
Huelha bèta parallèla (dab los grops R de las medishas orientacions)

Las huelhas bèta que son orientadas (com ac ei tota cadena polipeptidica), dab ua extremitat acid e ua auta amina e que's pòden seguir, sia dab las medishas orientacions, sia dens un sens opausat.

Cada aminoacid qu'ostendeish per definicion un grop amina, un acid e un aute grop (designat dab la letra R) qui ac defineish (dens ua lista de 20 possibles dens l'encastre deu còde genetic). Enter las duas cadenas, aqueths R que pòden estar orientats dens la medisha direccion (la huelha bèta qu'ei alavetz designada com « parallèla ») o pas (dens aqueth cas la huelha bèta qu'ei dita « antiparallèla »)