Vejatz lo contengut

Holocephali

Un article de Wikipèdia, l'enciclopèdia liura.

En zoologia, la quimèra es un peis gròs de la sosclassa dels Olocefales, vivent dins los abisses. Las Quimèras son d'animals puslèu bentics e vivon dins los oceans temperats. Pòdon aténher 2 m de long. Coma totes los membres dels chondrichthyes, an una esqueleta cartilaginosa. Lor pèl es doça e lor color pòt anar del negre al gris-brun. Per se defendre, las Quimèras an un agulhon venimós sus lor aleta dorsala.

Las Quimèras revèrtan las làmias sus mantun punt : los mascles utilizan lors nadarèlas ventralas coma d'un penis per introduire l'espèrma dins la vulva de la femèla e aquestas darrièras depausan lors uòus dins de sacs membranoses. Difèran de las làmias del punt de vista de la maissa superiora, qu'es fusionada amb la resta del cran, e del punt de vista uro-genital : las Quimèras possedisson un orifici urinari e un orifici genital plan distintes alara que las Làmias an un frangàs que recampa los dos.

Taxinomia[modificar | Modificar lo còdi]

Las quimèras apartenon totas a la sosclassa Holocephali qu'a pas qu'un sol superòrdre Holocephalimorpha qu'a pas qu'un sol òrdre Chimaeriformes qu'a pas qu'un sol sosòrdre Chimaeroidei.

Familhas[modificar | Modificar lo còdi]

sosclassa Holocephali

Ligams extèrnes[modificar | Modificar lo còdi]