Hayao Miyazaki

Un article de Wikipèdia, l'enciclopèdia liura.
Salta a la navegació Salta a la cerca
Pagina d'ajuda sus l'omonimia Pels articles omonims, vejatz Miyazaki.
Tres caractèrs japonés Aquesta pagina conten de caractèrs japonés. En cas de problèma, consultatz Ajuda:Unicode o testatz vòstre navegador.
Hayao Miyazaki a la Mòstra de Venècia en 2008.

Hayao Miyazaki (宮崎 駿, Miyazaki Hayao?), nascut lo 5 de genièr de 1941 a Tokyo, es un dessenhaire, realizator e productor de filmes d'animacion japonés, cofondator de l'estúdio Ghibli ambe Isao Takahata.

Quasi inconegut en occident en defòra dels cercles d’amators d’anime e de manga fins a la sortida internacionala de Princessa Mononoké en 1999, sos filmes encontran après un grand succès pertot dins lo mond e sustot al Japon ont d'unes an batut de recòrds d’afluéncia.

Explora sovent los meteis tèmas centrals, la relacion de l’umanitat ambe la natura, l’ecologia e la tecnologia, atal que la dificultat de demorar pacifista dins un mond en guèrra. Los protagonistas de sos filmes son lo mai sovent de joventas o femnas fòrtas e independentas, e los « marrits » an de qualitats que los rendon moralament ambigús, coma los kamis de la religion sintoïsta.

Sos òbras son aitant accessibles als dròlles qu’als adultes. Al Japon, es considerat coma l’egal d’Osamu Tezuka, e en occident òm lo compara sovent a Walt Disney,,,. Çaquelà, Miyazaki rèsta modèst e explica lo succès de son entrepresa per l'escasença qu’a aguda de poder esplechar plenament sa creativitat.

Nòtas e referéncias[modificar | modificar la font]

  • (fr) Aqueste article es parcialament o en totalitat eissit d’una traduccion de l’article de Wikipèdia en francés intitolat « Hayao Miyazaki ».


Vejatz tanben[modificar | modificar la font]

Paginas correspondentas d’autres projèctes Wikimèdia :

commons:Category:Hayao Miyazaki
Hayao Miyazaki sus Commons.

Articles ligats[modificar | modificar la font]