Hantaro Nagaoka
Hantaro Nagaoka (15 d'aost de 1865, Omura - 11 de decembre de 1950, Tòquio) es un fisician japonés de la prumiera mitat dau segle XX. Pionier d'aquela disciplina dins son païs, s'interessèt mai que mai a l'electromagnetisme, a la fisica atomica e a l'espectrocòspia. Per completar sas conoissenças, viatjèt en Euròpa de 1893 a 1901. Puei, ocupèt las foncions de professor de l'universitat de Tòquio de 1901 a 1925, de cherchaire dau RIKEN de 1925 a 1931 e, finalament, de director de l'universitat d'Osaka de 1931 a 1934.
Al niveu scientific, es mai que mai conegut per son ròtle dins l'estudi de l'estructura de l'atòm. D'efiech, pauc satisfach dau dau modele atomic dau plum pudding prepausat per Joseph John Thomson (1856-1940)[1], desvolopèt lo modele saturnian de l'atòm dins un article publicat en 1904. Son modele èra fòrça inspirat per los aneus de Saturne amb un pichon nucleu centrau e d'electrons en orbita formant un aneu. Aquela idea foguèt rapidament invalidaa, mas inspirèt lo modele planetari de Rutherford.
Ligams internes
[modificar | Modificar lo còdi]- Atòm.
Bibliografia
[modificar | Modificar lo còdi]- (en) C.C. Gillispie, Concise Dictionary of Scientific Biography, Nòva York, Charles Scribner's Sons, 2000, pp. 606–607.
Nòtas e referéncias
[modificar | Modificar lo còdi]