Guèrra de Biafra
|
Guèrra de Biafra
| |
|---|---|
 | |
| Informacions generalas | |
| Data | 1967-1970 |
| Luòc | Sud-èst de Nigèria |
| Casus belli | Declaracion d'independéncia de Biafra |
| Cambiaments territorials | Reintegracion de Biafra au sen de Nigèria |
| Eissida | Victòria nigeriana |
| Belligerants | |
 Nigèria
|
 Biafra
|
| Pèrdas | |
| 40 000 tuats | 15 000 tuats |
| Nòtas | |
| Entre un e tres milions de civius tuats | |
| Batalhas | |
| Nsukka - Region Centre-Oèst - Batalha d'Enugu - Onitsha (1a) - Calabar - Onitsha (2a) - Port Harcourt - Operacion OAU - Owerri - Umuahia - Operacion Tail-Wind | |
La Guèrra de Biafra foguèt un conflicte african major que se debanèt de 1967 a 1970. Opausèt Nigèria a la region secessionista de Biafra. S'acabèt per la desfacha de Biafra e de pèrdas umanas fòrça importantas en causa d'una tièra de faminas dins lo corrent de la guèrra.
Lo conflicte comencèt en 1967 après lo refús de la region de Biafra de reconóisser lo còp d'estat menat per Yakubu Gowon en julhet de 1966. Divèrsei temptativas de mediacion mau capitèron, en particular en causa de la question dau partiment dei jaciments de petròli dau sud-èst de Nigèria situats dins la region de Biafra. En 1967, Biafra se proclamèt independent, formèt la Republica de Biafra e organizèt una armada de 100 000 òmes. Aguèt lo sostèn de França e de seis aliats africans durant la guèrra. De son caire, Nigèria foguèt sostengut per lo Reiaume Unit e per l'Union Sovietica.
De'n premier, Biafra capitèt d'ocupar lei jaciments de petròli en fòra de Biafra e d'organizar d'incursions fins au relarg de la capitala Lagos. Pasmens, a partir de mai de 1967, lei tropas nigerianas avancèron lòng de la costat. Lo 24 de mai de 1968, la presa de Port Harcourt entraïnèt la pèrda de l'accès de Biafra a l'Ocean Atlantic e l'isolament de la region secessionista. Aquò causèt de dificultats d'avitalhament per son armada e subretot de faminas grèvas au sen de la populacion que causèron de milions de mòrts. Ansin, de 1968 a 1970, l'armada nigeriana s'ocupèt de redurre lei zònas de resisténcia interioras de Biafra que deguèt finalament capitular en genier de 1970.