Goûts de Luxe

Goûts de Luxe (gostes de luxe) èra un grop francés originari de Brèst en Bretanha, eissit del movement new wave e d'estili synthpop.

Goûts de Luxe es format a la basa per Jacques Le Honsec e Jean-Éric Monfort al mièg de las annadas 1980. Es a l'escasença d'un desfilat Chanel qu'es trobat lo nom del grop.

Pendent l'enregistrament del primièr 45 torns Les yeux de Laura en 1986, Jean-Éric Monfort capita pas de jogar corrèctament sa partida de guitarra : es fin finala lo musician d'estúdio Kamil Rustam que la farà. Aquel primièr 45 torns es pas una capitada immediata : aquela manca d'estrambòrd e sa malescaduda al moment de l'enregistrament fa que Jean-Éric Monfort quita lo grop. Es alavetz Marianna Kliska, la companha de Jacques lo Honsec, que lo remplaça als sintetizors.

Pasmens, Les yeux de Laura es fin finala un gròs tube en França en 1987. Goûts de Luxe torna alavetz en estúdio per son segond 45 torns Omaha Beach, ambe coma fàcia B lo títol Ubik, inspirat del libre eponim de Philip K. Dick, e dins sa version maxi lo títol Fade to grey, represa del grop anglés Visage.

En 1989, Goûts de Luxe enregistra Dans un autre pays, un darrièr 45 torns qu'encontra pas la capitada esperada : aquela decepcion mena a la fin de l'activitat del grop.

Cançons mai conegudas

• Les yeux de Laura (1986)
• Omaha Beach (1987)
• Ubik (1987)
• Fade to grey (1987, represa de Visage)
• Dans un autre pays (1989)