Fusilhada del 12 de junh de 2016 a Orlando

Un article de Wikipèdia, l'enciclopèdia liura.
Salta a la navegació Salta a la cerca


La fusilhada del a Orlando es un masèl als Estat Units d'America, dins la dicotèca gay lo Pulse, en Florida[1].

Lo bilanç provisòri es de quaranta e nòu mòrts, en mai de l'autor del masèl que foguèt tuat per la polícia. S'agís, dins tota l'istòria dels EUA, del bilanç mai pesuc per un caple realizat per arma de fuòc en temps de patz[2]. L'atemptat es revendicat per l'organizacion terrorista Estat islamic[3].

Es tanben la segonda fusilhada en dos jorns a Orlando, la cantaira Christina Grimmie foguèt assassinada, a l'eissida d'un concèrt tengut a mens de cinc quilomètres del Pulse[4].

Debanament[modificar | modificar la font]

L'arribada dels secors pendent la fusillhada.
Casc en Kevlar del policièr tocat al cap.

Dins la nuèch del 12 de junh de 2016, per la gay pride, gaireben 350 personas assistisson a la serrada « Latin flavor » organizada per la discotèca omosexuala Pulse, naut luòc de la comunautat LGBT d'Orlando (Florida). Pau abans 2 h 0 ;EDT, un nomenat Omar Mir Saddiqui Mateen arrèsta son veïcul dins lo parcatge de l'establiment. Dintra dins lo club armat d’un fusilh d’assalt AR-15, d’un pistolet e fòrça municions e comença a tirar suls clients, vèrs 2 oras 02 minutas del matin[5]. Lo club pòsta sul pic sus sa pagina Facebook lo messatge: « Everyone get out of Pulse and keep running. » ("Totes sortissetz del Pulse e corrissetz") Las fòrças de l'òrdre arriban lèu, alara que la fusilhada encara se debana. Lo terrorista arrèsta de tirar; l'atemptat vira a presa ostatges[6] alara que se retira dins los comuns de l'establiment amb de personas[5]. Un negociator es alara enviat. Lo tiraire anóncia èsser en possession d'un engenh explosiu[7], mas fa pas cap de demanda particulara[5].

Vèrs 5 oras, lo grop d'intervencion SWAT dona l'assalt. Après aver ensejat d'utilizar d'explosius, las fòrças de l'òrdre utilizan un veïcul blindat per enfonçar la paret de l'imòble. Los ostatges pòdon alara fugir pendent qu'un escambi de tirs comença amb lo criminal[5]. Mateen es tuat, e una trentena d'ostatges liberats[8]. Un policièr es tocat al cap per una bala del terrorista, es pas que nafrat, salvat per son casc de Kevlar[5].

Victimas[modificar | modificar la font]

Lo conse de la vila, Buddy Dyer, anóncia unas oras mai tard un bilanç de 50 mòrts comptant l'assassin  e 53 ferits[9],[10].

S'agís, dins l'istòria dels EUA, de la fusilhada mai murtrièra fòra dels periòdes de guèrra[11],[4]</ref>,[12], e del pièger acte de violéncia jamai realizat contra la comunautat LGBT[13].

Enquèsta[modificar | modificar la font]

Autor[modificar | modificar la font]

Omar Mateen, perpetraire de la fusilhada, tuat pendent la liberacion dels ostatges.

L’autor d'aquela fusilhada, Omar Mir Saddiqui Mateen[4]</ref>, es un agent de securitat estatsunian, demorant a Fort Pierce e trabalhant per la firma G4S Secure Solutions (en)[14]. Nasquèt lo 16 de novembre de 1986 a Nòva York de parents afgans. L'FBI anóncia de possibles ligams del tuaire amb los mitans islamistas[15].

Omar Mateen utilizèt un fusilh d'assalt de tipe AR-15, un modèl d'arma que ja foguèt untilizat pels autors dels masèls de San Bernardino e Sandy Hook.

Revendicacion[modificar | modificar la font]

Pendent la presa d'ostatges, Omar Mateen fa lo numèro dels servicis d’urgéncia dels EUA per revendicar son acte[5]; declara agir al nom del grop djihadista Etat islamic. L'atemptat es revendicat lo meteis jorn per l'organizacion[16],[5].

L'endeman, la radio de l'EI torna sus l'eveniment, se felicitant de l'ataca menada contra los "sodomitas"  pel "fraire Omar Marteen, un dels soldats del califat en America"[17].

Autre incident[modificar | modificar la font]

Le meteis jorn, dimenge 12 de juin de 2016, las autoritats de Santa Monica en Califòrnia arèsta un òme pesucament armat que s'anava a  la marcha dels ufans de Los Angeles[18]. L'enquèsta es en cors.


Reaccions[modificar | modificar la font]

Nacionalas[modificar | modificar la font]

Discors de Barack Obama après la fusilhada.
Manifestacion de sosten a Minneapòlis.

Unas oras après la fusilhada, lo president Barack Obama parla a la populacion mejans la television. Qualifica l'atemptat d' "ataca de terror e d'òdi", que punta "mai qu'una discotèca, un luòc de solidaritat, un luòc d'emencipacion". Obama torna per l'escasença sul problèma pausat per la liura circulacion de las armas de fuòcs als EUA, soslinhant fins a que los malfactors o los terroristas se ne pòdon procurar aisidament[19].

Los candidats per l'eleccion presidenciala de novembre, Donald Trump e Hillary Clinton, tanben reagisson disent lor sosten a las personas tocadas pel drama. Donald Trump pren l'escasença per accusar lo president Barack Obama de flaquesa fàcia a l'islam radical, e per remembrat las sieunas proposicions per tòca d'enebir l'imigracion musulmana als EUA[20]. Dins lo contèxte de la campanha presidenciala, aquel eveniment torna al còr del debat lo subjècte del contraròtle de las armas de fuòc, e aquekla de la luta contra lo terrorisme[21].

Internacionalas[modificar | modificar la font]

En Euròpa[modificar | modificar la font]

  • Bandièra de França França: lo president de la Republica francesa, François Hollande, "condamna amb orror lo masèl" e exprima lo sosten dels fraceses a la autoritats e al pòble american dins un comunicat de l'Elisèu[22].
  • Bandièra: Païses BassesPaïses Basses: lo Primièr ministre Mark Rutte fa sas condolenças a Barack Obama e afirma que "totes los neerlandeses acompanhan las familhas e los pròches de las victimas" [23].
  • Bandièra: PortugalPortugal: lo president de la Republica portuguesa, Marcelo Rebelo de Sousa, envièt al president Obama sas condolenças: "Avèm assitit, amb un planh prigond, al tragic atemptat d'Orlando, Florida, que causèt un nombre tant grand de victimas inocentas e que marquèt totes aqueles que partissèm las valors de la democracia, la promocion de la patz e lo respècte dels drechs de l'òme" [24].
  • Bandièra: Reialme UnitReialme Unit: la reina Elisabèt II amb Tweeter ditz unas oras après lo masèl: "Lo prince Felip e Ièu meteis avèm estat tustat pels eveniments arribats a Orlando. Nòstras pensadas e preguièras van a aqueles que foguèron tocats" [25]. Lo Primièr ministre David Cameron, tanben sus Twitter, se ditz "orrificat pels recits del masèl d'aquela nuèch a Orlando".

Autoritats religiosas[modificar | modificar la font]

Lo papa François, mejans lo preire Federico Lombardi, director del Burèl de premsa de la Santa Se, condamna l'atemptat. Lo papa exprimís "de sentiments plan prigonds d'execracion, de dolor, de treble fàcia aquela novèla manifestacion d'una folia murtrièra e d'un òdi insensat". "S'unís dins la preguièra e la compacion al sofriment de las victimas e del ferits e lo recomanda al Senhor per que trapan lo reconfòrt. Vogam que totas las causas d'aquela violéncia òrre e absurda, que treble prigondament lo desir de patz del pòble american e de tota l'umanitat, pòscan èsser determinadas e combatudas de biais eficaç al pus lèu[26]}}.

Notas e referéncias[modificar | modificar la font]

  1. « Le Pulse, club engagé pour la cause LGBT », Le Monde,‎ (legir en linha)
  2. « Tuerie d'Orlando : la fusillade la plus meurtrière de l'histoire des Etats-Unis », francetv info (consultat lo 12 junh 2016)
  3. « L'Etat islamique revendique la fusillade à Orlando, qui a fait 50 morts », Libération.fr (consultat lo 12 junh 2016)
  4. 4,0 4,1 et 4,2 Le Monde, « Ce que l’on sait de l’attentat commis dans une boîte de nuit LGBT à Orlando », sur lemonde.fr (consultat en 12 juin 2016)
  5. 5,0 5,1 5,2 5,3 5,4 5,5 et 5,6 Attentat d’Orlando : le déroulé des événements, Le Monde, 13 juin 2016
  6. « Fusillade à Orlando : 50 morts et 53 blessés selon le maire », Libération.fr (consultat lo 12 junh 2016)
  7. « Police: 50 killed in Florida nightclub terror attack », CNN (consultat lo 12 junh 2016)
  8. « Terror in Orlando: 50 killed in shooting rampage at gay club; gunman pledged allegiance to ISIS », Washington Post (consultat lo 12 junh 2016)
  9. « Tuerie à Orlando: 50 morts, le suspect abattu », sur Mediapart,‎
  10. « Fifty massacred at Florida gay club, worst shooting in U.S. history », Reuters,‎ (legir en linha)
  11. « Orlando: ce que l'on sait de la pire fusillade de l'histoire des Etats-Unis », L'Express.fr (consultat lo 12 junh 2016)
  12. (en) Fifty massacred at Florida gay club, worst shooting in U.S. history, Reuters, 12 juin 2016
  13. The Long, Tragic History of Violence at LGBTQ Bars and Clubs in America, Slate, 12 juin 2016
  14. « Tuerie d'Orlando : ce que l'on sait d'Omar Mateen, l'auteur présumé de la fusillade homophobe », metronews.fr
  15. « Qui est Omar Saddiqui Mateen, le tueur présumé d'Orlando ? », leparisien.fr (consultat lo 12 junh 2016)
  16. « 50 morts à Orlando: l’Etat islamique revendique le massacre », lesoir.be (consultat lo 12 junh 2016)
  17. Massacre à Orlando : l'État islamique revendique la tuerie sur sa radio, Le Point, 13 juin 2016
  18. L'Express
  19. Orlando: Barack Obama condamne un acte de "terreur et de haine", L'Express, 13 juin 2016
  20. Tuerie homophobe d'Orlando : Clinton met la campagne entre parenthèses, Trump non, Metronews, 13 juin 2016
  21. La fusillade d'Orlando, véritable tournant dans la campagne présidentielle américaine, France TV Info, 13 juin 2016
  22. « Fusillade à Orlando », Elysee.fr (consultat en 12 juin 2016).
  23. (nl) Schietpartij in Orlando : Premier Rutte geschokt door het aanslag, AD.nl, consulté le 12 juin 2016.
  24. http://www.tvi24.iol.pt/politica/marcelo-rebelo-de-sousa/orlando-marcelo-envia-mensagem-de-solidariedade-a-obama
  25. [1]
  26. Radio Vatican